ປິດກອງປະຊຸມຄວາມໝັ້ນຄົງ Munich
ຕາມຂ່າວສານຊິນຮວາ ລາຍງານໃຫ້ຮູ້ໃນວັນທີ 20 ກຸມພານີ້ວ່າ: ເມື່ອວັນທີ 19 ກຸມພາທີ່ຜ່ານມາ, ກອງປະຊຸມຄວາມໝັ້ນຄົງ ມູນິກ ເຊິ່ງເປັນກອງປະ
ຊຸມກ່ຽວກັບຄວາມໝັ້ນຄົງປະຈຳປີທີ່ໃຫຍ່ຂອງໂລກຖືກຈັດຂຶ້ນຢູ່ນະຄອນມູນິກທາງພາກໃຕ້ຂອງປະເທດເຢຍລະມັນ ໄດ້ສິ້ນສຸດລົງພາຍຫຼັງດຳເນີນມາເປັນ
ເວລາ 3 ວັນ. ການປະທະກັນລະຫວ່າງຣັດເຊຍ-ອູແກຼນ ໄດ້ກາຍເປັນຫົວຂໍ້ຫຼັກຂອງການປຶກສາຫາລືກັນໃນກອງປະຊຸມປິນີ້.
ບັນດາການນຳ ແລະ ຜູ້ປາຖະກະຖາທີ່ເຂົ້າຮ່ວມກອງປະຊຸມໄດ້ໃຫ້ທັດສະນະຕໍ່ບັນຫາດັ່ງກ່າວແຕກຕ່າງກັນໄປຄຽງຄູ່ກັນນັ້ນ, ກໍໄດ້ປຶກສາຫາລືຫຼາຍບັນ ຫາເປັນຕົ້ນແມ່ນດ້ານການເມືອງ, ເສດຖະກິດຕະຫຼອດຮອດຄວາມໝັ້ນຄົງ, ການປ້ອງກັນຊາດ, ການປ່ຽນແປງຂອງດິນຟ້າອາກາດ, ສິ່ງແວດລ້ອມ, ຄວາມ ໝັ້ນຄົງດ້ານສະບຽງອາຫານທົ່ວໂລກ. ໃນບົດກ່າວປາໄສປິດກອງປະຊຸມ, ທ່ານ ຄຣິສຕົບ ຮືສເກນ ປະທານກອງປະຊຸມຄວາມໝັ້ນຄົງ ມູນິກ 2023 ຕີລາ ຄາວ່າ: ກອງປະຊຸມໄດ້ສະແດງໃຫ້ເຫັນ “ຄວາມສາມັກຄີຢ່າງເຂັ້ມແຂງຂອງເຂດອັດລັງຕິກ” ທຸກຝ່າຍຕ້ອງເພີ່ມທະວີການລົງທຶນເຂົ້າຂະແໜງປ້ອງກັນຊາດ ເພື່ອຮັບມືກັບສິ່ງທ້າທາຍໃຫຍ່ຂອງຍຸກສະໄໝໃຫ້ໄດ້. ຢູ່ນອກກອງປະຊຸມກໍມີການດຳເນີນຫຼາຍວາລະປຶກສາຫາລືສອງຝ່າຍ ແລະ ຫຼາຍຝ່າຍກ່ຽວກັບບັນ ຫາທີ່ສາກົນໃຫ້ຄວາມສົນໃຈ ແລະ ທີ່ເດັ່ນກວ່າໝູ່ແມ່ນການພົບປະກັນຂອງຜູ້ຕາງໜ້າຈາກອາເມຣິກາ, ຈີນ, ເຢຍລະມັນ, ຝຣັ່ງ, ຍີ່ປຸ່ນ ແລະ ສ ເກົາຫຼີ.
ແຫຼ່ງທີ່ມາ: ໜັງສືພິມກອງທັບ
ວັນທີ 23/02/2023